ნინო ზაუტაშვილის განცხადებით, საზოგადოებრივი მაუწყებლის სამეურვეო საბჭოს თავმჯდომარის არჩევნებზე ჟურნალისტები კითხვის დასასმელად არ შეუშვეს.
“მოხდა ის, რასაც ნამდვილად არ ველოდი. ჩვენ ვიყავით ხუთი თანამშრომელი, წინასწარ ჩავეწერეთ. დავიცავით კანონი მთელი სიზუსტით, წინასწარ განვაცხადეთ, რომ გვინდოდა დასწრება, შემდეგ დავურეკეთ ბორდის მდივანს და ვთხოვეთ, რომ როცა დამთავრდება ბორდის თავმჯდომარის არჩევნები, მაშინ შემოვალთ და წყნარად დავსვამთ ამ კითხვებს, რაზეც მივიღეთ თანხმობა. შევედით, ვსხედვართ, ველოდებით უკვე შესვლას – დავაკაკუნეთ კარებზე, ბორდის მდივანი გამოვიდა და ცოტა ხანში დაგიძახებთო. კი ბატონო, დავიცავით ყველა წესი და კანონი. უცებ, ვასილ მაღლაფერიძემ დახურა სხდომა და გამოვარდა გარეთ და მას გამოჰყვა თავისი მთელი შემადგენლობა. წარმოუდგენელ მაქინაციებთან გვაქვს საქმე, იცოდნენ ზუსტად, რომ მოვდიოდით. ზუსტად იმიტომ, რომ არ შეგვეშალა ხელი პროცესისთვის, დავიცავით ყველა წესი და რიგი, მაგრამ სამწუხაროდ აქ წესი და რიგი არ მოქმედებს,” – განაცხადა ნინო ზაუტაშვილმა მედიასთან.