როგორ და რა გზებით შემოვიდა მიხეილ სააკაშვილი საქართველოში?
7 წლიანი ძებნილობისა და 18 დაპირების შემდეგ, მიხეილ სააკაშვილი არალეგალურად ფოთის პორტის გავლით, სატვირთოში ჩამალული შემოვიდა. “ახალი კვირის” წყაროს ინფორმაციით, საქართელოს ექს-პრეზიდენტი ფოთში საღამოს ჩამოვიდა, გვიან ღამით კი მძღოლთან ერთად ბათუმში გაემგზავრა, სადაც ორი ვიდეო ჩაწერა.
“ახალი კვირის” წყარო ირწმუნება, რომ სამართალდამცველებს საქართველოს ექს-პრეზიდენტის ადგილსამყოფელის შესახებ ინფორმაცია, მისი გარემოცვიდან მიაწოდეს. სააკაშვილს სავარაუდოდ არცერთი ვიდეო ბათუმიდან არ აუტვირთავს. ამ დროს თბილისში, ქვიშხეთის ქუჩაზე, სატვირთოს მძღოლის სახლში იმყოფებოდა.
სპეცოპერაცია მარტივად ჩატარდა, პოლიციელმა საცხოვრებელი ბინის კარი გასაღებით გახსნა, რის შემდეგაც სააკაშვილი დააკავეს, სამართალდამცველებს გასაღები სავარაუდოდ ელგუჯა ცომაიამ მიაწოდა.
ელგუჯა ცომაია აფხაზეთიდან დევნილია, სამეწარმეო დოკუმენტაციაში მისი საცხოვრებელი ადგილი ფოთია. ერთიანი საარჩევნო სიის მიხედვით კი, იმ მისამართზე ცხოვრობს, სადაც სააკაშვილი დააკავეს.
ელგუჯა ცომაია სამეწარმეო რეესტრში რეგისტრირებულია, როგორც ინდ მეწარმე სატვირთო გადაზიდვების სხვადასხვა სასურსათო გადაზიდვისა და ვაჭრობის უფლებით. ცომაიას გამოძიება დანაშაულის დაფარვას ედავება და დაკავებულია.
სააკაშვილი ახლა რუსთავი ციხეშია. არ არის გამორიცხული მას კიდევ ერთი ბრალი სახელმწიფო საზღვრის უკანონო გადმოკვეთისთვის წარუდგინონ.
იხილეთ “ახალი კვირის” რეპორტაჟი სრულად
https://mix.metronome.ge/21913-2/
https://mix.metronome.ge/%e1%83%95%e1%83%9a%e1%83%90%e1%83%93%e1%83%98%e1%83%9b%e1%83%98%e1%83%a0-%e1%83%96%e1%83%94%e1%83%9a%e1%83%94%e1%83%9c%e1%83%a1%e1%83%99%e1%83%98-%e1%83%9b%e1%83%98%e1%83%ae%e1%83%94%e1%83%98%e1%83%9a/
https://mix.metronome.ge/21920-2/