ადვოკატმა ეკა ბესელიამ მედიასთან მიმდინარე აქციებისას დაკავებული მსახიობის, ანდრო ჭიჭინაძის საქმის შესახებ ისაუბრა.
„გვაქვს ძალიან კარგი, საიმედო და ჩვენი მძევლებისთვის მნიშვნელოვანი ინფორმაცია სტრასბურგის სასამართლოდან, სადაც ჩვენ, სულ ცოტა ხნის წინ გავგზავნეთ ანდრო ჭიჭინაძის საქმე, გავასაჩივრეთ მისი უკანონო პატიმრობის საკითხი.
ჩვენ ძალიან მოკლე დროში მივიღეთ ჭიჭინაძის საქმეზე საჩივრის მიღების დასტური, ის უკვე რეგისტრაციაში გატარდა“, – თქვა ბესელიამ.
დღეს ცნობილი გახდა, რომ სტრასბურგის სასამართლომ ანდრო ჭიჭინაძის საქმის განხილვა დაიწყო.
შეგახსენებთ, ცოტა ხანში ზემოაღნიშნული აქციებისას დაპატიმრებული 11 აქტივისტის, მათ შორის ანდრო ჭიჭინაძის, სასამართლო პროცესი უნდა დაიწყოს.
ბესელიამ განაცხადა, რომ დღევანდელ პროცესზე მოსამართლეს სტრასბურგის გადაწყვეტილების შესახებ მოახსენებს.