თბილისის მერიის ცნობით, ინფრასტრუქტურის განვითარების საქალაქო სამსახური სულხან ცინცაძის ქუჩაზე, იპოდრომის ყოფილი ტერიტორიის მოპირდაპირე მხარეს, გივი კარტოზიას ქუჩის კვეთამდე არსებულ საგზაო მონაკვეთში მდებარე ფერდზე, ქვათაცვენის საწინააღმდეგო ბადის მოწყობას იწყებს.
ინფრასტრუქტურული სამუშაოები მიმდინარე წლის 3 აპრილიდან 20 მაისის ჩათვლით, ღამის საათებში განხორციელდება.
„პროექტის სპეციფიკიდან გამომდინარე, საჭიროების შემთხვევაში, 00:00-დან 06:00 საათამდე, საავტომობილო მოძრაობა გზის სავალი ნაწილის მხოლოდ ერთ ზოლში შეიზღუდება“, – აღნიშნულია ინფორმაციაში.