მელიქიშვილის გამზირზე ჩაცხრილული აკედემიკოსის, გურამ შარაძის შვილი, რუსუდან შარაძე “ფეისბუქის” პირად გვერდზე 2 ოქტომბრის არჩევნების შედგებთან დაკავშირებით წერს:
“ყველაფერში დადებითი უნდა ვეძებოთო, ხომ? ჰოდა ვეძებოთ. ძალიან კარგი! ეს უკვე მეორე გალაწუნებაა „ოცნებისთვის“, ოღონდ იმ განსხვავებით, ახლა მიშა აქვეა, რუსთავში და პირველს ვისაც შეჭამს, ბატონი ბიძინა იქნება. იქნებ, ახლა მაინც ინებოს კეთილი ბატონმა ბიძინამ და ყველა ჩადენილი დანაშაულისთვის გაასამართლოს ეს კაცისმკვლელი, მწამებელი, სამშობლოს გამყიდველი მძორი, დაისვენოს და დაგვასვენოს!” – წერს შარაძე სოციალურ ქსელში.
ცენტრალურ საარჩევნო კომისიას ამ ეტაპზე, საქართველოს მასშტაბით, 3 743 უბნიდან დათვლილი აქვს 3 740 უბნის მონაცემები, რაც 99.92%-ს შეადგენს.
ცესკოს წინასწარი მონაცემებით, პროპორციულ ნაწილში პარტიული რეიტინგები შემდეგნაირად განადაწილდა:
ქართული ოცნება – 46.65%;
ერთიანი ნაციონალური მოძრაობა – 30.7%;
გახარია-საქართველოსთვის – 7.79%
ლელო – 2.71%
ევროპული საქართველო – 1.66%;
საქართველოს პატრიოტთა ალიანსი – 1.46%
ლეიბორისტული პარტია – 1.38%
გირჩი-მეტი თავისუფლება – 1.44%
რაც შეეხება თბილისს, დედაქალაქში ხმების 100% დათვლილია. ცენტრალური საარჩევნო კომისიის ოფიციალური მონაცემებით, მმართველ გუნდს, ქართულ ოცნებას 40.3% აქვს, ერთიან ნაციონალურ მოძრაობას 27.97%, გიორგი გახარიას პარტიას საქართველოსთვის კი – 8.85%.