ვეტერინალური კლინიკა “ვეტ ჰელსი” ავრცელებს ძაღლის ვიდეოკადრებს, რომელსაც გუშინ ღამით, სამართალდამცავმა ესროლა.
კლინიკის თქმით, ძაღლის მდგომარეობა დამაკმაყოფილებელია.
“ძალიან კარგი სიახლით დაგიბრუნდით! ექოსკოპიური კვლევის შედეგად მდგომარეობა არცთუისე ცუდია,სისხლის ანალიზი მდგომარეობასთან შედარებით ძალიან კარგია.ცოტა საკვებიც და წყალიც მიირთვა” – წერია კლინიკის მიერ გავრცელებულ მასალაში.
ცნობისთვის, გუშინ, 1 აპრილს თბილისში, ღრმაღელის მეტროსადგურთან შსს-ს თანამშრომელმა ძაღლს ესროლა.
როგორც თვითმხილველები ამბობენ, ძაღლმა ბავშვს დაუყეფა, რის შემდეგაც, სავარაუდოდ, შინაგან საქმეთა სამინისტროს თანამშრომელმა მას ცეცხლსასროლი იარაღიდან ესროლა.
შინაგან საქმეთა სამინისტროს ინფორმაციით, პოლიციელი “იძულებული გახდა აუცილებელი მოგერიების ფარგლებში სამსახურებრივი იარაღიდან” გაესროლა.