ყოფილი პარლამენტარი, გივი თარგამაძე სოციალურ ქსელში პოსტს აქვეყნებს.
ის „ნაციონალური მოძრაობის“ ხელისუფლების საქმიანობის შემსწავლელი დროებით საგამოძიებო კომისიაზე თარგამაძის გამოუცხადებლობის საკითხს ეხება.
„ეს კომისია რომ შექმენით, მაშინვე დავწერე, ჩემდა თავად მანდ მიმსვლელის დედაცო. ეხლა დილაადრიან ფოსტას რომ მოსაწვევი მოატანინეთ, რა იფიქრეთ, საკუთარ დედას პატივს აღარ სცემსო? იმისი არ იყოს – ეხლა ეს რომ მოიყვანეთ, ამ ქვევრს რა, შეეშინდებოდა და ყელი გაუგანიერდებოდაო?
ამ რუსის ქალის პირადი წერილის საფუძველზე შექმნილ კომისიაზე მოვიდე?🤡 მაგ ინტერვიუს მერე რუსებმა ძებნაში რომ გამომაცხადეს, სობარ სუზარი საჯაროდ სწუხდა – რადგან, სამწუხაროდ, საქართველოს კონსტიტუციაში ჩანაწერი არ გვაძლევს გადაცემის უფლებას, ეგებ რუსეთის საგამოძიებო კომიტეტის ჯგუფი შემოვუშვათ და აქ, ადგილზე დაკითხონო. ეხლა უნდა, მაგათი შედგენილი კითხვარით თავად დამკითხოს?😡 ხო, მართლა, ადამიანის უფლებები მე არ მებარა, მაგას ებარა, მანდ გიზით და რამე თუ გაინტერესებთ, მაგას ჰკითხეთ. უსაფრთხოება ებარა შრომის ინსპექციას, მე უშიშროება მებარა, გენიოსებო.
ამაფეთქეთ. თქვენი ხელიდან მკვდარი ვარ. ხოდა მაგ კომისიაზე თეფში დაატრიალეთ, ეგებ ჩემი სული გამოგეცხადოთ👻 თან თქვენს მთავარ ჩეჩმას უყვარს ეგეთი რაღაცეები…“, – წერს თარგამაძე.
შეგახსენებთ, აღნიშნული კომისიის მიმდინარე სხდომებზე რუსეთ-საქართველოს 2008 წლის ომის საკითხი განიხილება.