მიხეილ სააკაშვილი ეგზიტპოლის შედეგებს პენიტენციური დაწესებულებიდან ეხმაურება

საქართველოს ექს- პრეზიდენტი მიხეილ სააკაშვილი, პენიტენციური დაწესებულებიდან  ტელეკომპანია „მთავარის“ დაკვეთით ჩატარებულ  IPSOS-ის ეგზიტპოლის შედეგებს “ფეისბუქის” გვერდზე ეხმაურება და მოქალაქეებს ხმების დაცვისკენ მოუწოდებს.

“თბილისი! ახლა დათვლაში ხმები უნდა დავიცვათ!“, – წერს სააკაშვილი სოციალურ ქსელში.

IPSOS -ის მიერ, ტელეკომპანია „მთავარის“ დაკვეთით ჩატარებული ეგზიტპოლის შედეგების მიხედვით, თვითმმართველობის არჩევნებში „ქართულ ოცნებას“ ხმას ამომრჩეველთა 38, 6 % აძლევს. მეორე ადგილზეა „ნაციონალური მოძრაობა“ 33 %-ით.

რაც შეეხება სხვა პარტიებს, ხმები ასე ნაწილდება:

გიორგი გახარიას პარტია „საქართველოსთვის“ – 7,6 %,

„გირჩი – მეტი თავისუფლებისთვის“ – 4,8 %,

„ლელო“ – 4 %,

“ხალხისთვის” – 2%,

“გირჩი” – 1,6%,

“მოქალაქეები” – 1,1%,

„ევროპული საქართველო“ – 1 %,

“ლეიბორისტული პარტია” – 1,0%,

“პატრიოტთა ალიანსი” – 0,9%,

“მესამე ძალა” – 0,8%.

https://mix.metronome.ge/21978-2/