რუსთაველის გამზირზე ელენე ხოშტარია დააკავეს. მიზეზი უცნობია.
“კოალიცია ცვლილებისთვის” ერთ-ერთი ლიდერი პარლამენტთან მიმდინარე აქციაზე იმყოფებოდა, სადაც ახალგაზრდები დღეს 2008 წლის ომის შესწავლის მიზნით შექმნილი საგამოძიებო კომისიის წინააღმდეგ პროტესტის გამოხატვისთვის შეიკრიბნენ.
მანამდე აქციაზე 2 ადამიანი დააკავეს. ერთ-ერთს ხელში ეჭირა ბანერი წარწერით – “ანწუხელიძე უკვდავია”.
რუსთაველის გამზირზე ამ დროისათვის ხმაურია. პოლიცია მოქალაქეებს ზებრაზე გადასვლის საშუალებასაც არ აძლევს.