სენატორები ჯინ შაჰინი და ჯიმ რიში ერთობლივ განცხადებას ავრცელებენ, რომელიც სხვადასხვა კანონპროექტებს, მათ შორის MEGOBARI აქტსაც ეხება.
როგორც განცხადებაშია აღნიშნული, MEGOBARI აქტი უფრო ფართოდ შეუწყობს ხელს საქართველოსა და აღმოსავლეთ ევროპაში სტაბილურობას.
“სენატის საგარეო ურთიერთობათა კომიტეტის 11 თვის განმავლობაში, ჩვენ სიამოვნებით განვიხილავდით რამდენიმე კანონპროექტს, რომლებიც, ჩვენი აზრით, დაეხმარება ამერიკელი ხალხის დაცვას და ამერიკის ინტერესების წინსვლას.
BUST FENTANYL აქტი გამოიყენებს შეერთებული შტატების ეკონომიკურ ძალას ჩინეთის ფინანსური აქტორების წინააღმდეგ, რომლებიც ხელს უწყობენ ნარკოტიკების ექსპორტს და ზიანს აყენებენ ჩვენს საზოგადოებას.
MEGOBARI აქტი ხელს შეუწყობს სტაბილურობას საქართველოსა და აღმოსავლეთ ევროპაში უფრო ფართოდ, და ორი რეზოლუცია, რომელიც ჩვენ მივიღეთ, კიდევ ერთხელ დაადასტურებს შეერთებული შტატების ერთგულებას ტაივანის მიმართ და უკან დახევს ჩინეთის მიერ ჰონგ კონგის ავტონომიის განადგურებას.
როგორც სენატის საგარეო ურთიერთობათა კომიტეტის თავმჯდომარე და რანგის წევრი, ჩვენ მზად ვართ ვიმუშაოთ ერთად ამ კანონპროექტებისა და სხვა ეფექტური კანონმდებლობის წინსვლისთვის მთელი ჩვენი ვადის განმავლობაში”, – წერია განცხადებაში.
შეგახსენებთ, რომ გუშინ 27 მარტს, აშშ-ის სენატის საგარეო ურთიერთობათა კომიტეტმა MEGOBARI აქტი მიიღო.