ზუგდიდის საკრებულოს წევრი, მაია კალანდია სოციალურ ქსელში სოფელ დარჩელში, მანქანის დაჯახების შედეგად, დღეს დაღუპული ახალგაზრდის, მურმან კალანდიას შესახებ პოსტს აქვეყნებს.
„24 წლის მურმან კალანდია, რომელსაც მთვრალი პოლიციელი დაეჯახა, ამ დილით გარდაიცვალა.
დაქვრივდა, 21 წლის, 5 თვის ორსული მეუღლე.
მშობლებს მოუკვდათ უკეთილესი შვილი. სოფელმა და ქვეყანამ დაკარგა პატიოსანი მოქალაქე!
… ეს არის ივანიშვილის დღის წესრიგი!“, – წერს კალანდია.
შეგახსენენთ, შემთხვევა 11 მარტს მოხდა. ოჯახის ინფორმაციით, ბიჭს ნასვამი პოლიციელი დაეჯახა.
ბრალდებული მეორე დღესვე დააკავეს. გამოძიება სისხლის სამართლის კოდექსის 276-ე მუხლის მე-5 ნაწილითაა დაწყებული.