დღეს „ნაციონალური მოძრაობის“ ხელისუფლების საქმიანობის შემსწავლელი დროებითი საგამოძიებო კომისიის“ მორიგი სხდომა იმართება.
განხილვის მთავარი თემა კვლავ რუსეთ-საქართველოს 2008 წლის ომია.
კომისიამ აღნიშნული ომის მონაწილეს, გენერალ მამუკა ყურაშვილს უსმენს.
კომიიის თავმჯდომარის, თეა წულუკიანის ერთ-ერთი კითხვა სამხედრო ძალებიდან მამუკა ყურაშვილის გათავისუფლებას შეეხებოდა.
ყურაშვილის თქმით, ის ძალებიდან ორჯერ გაათავისუფლეს, პირველ შემთხვევაში 2006 წელს, მეორე შემთხვევაში კი 2011 წელს.
გენერალი აღნიშნავს, რომ პირველ შემთხვევაში თანამდებობიდან ის ირაკლი ოქრუაშვილმა გაათავისუფლა, მიზეზი კი იყო ის, რომ „ოქრუაშვილი დაიბოღმა იმის გამო, რომ შს მინისტრი ვანო მერაბიშვილი გამოვატარე ცხინვალში“.
„ამ კითხვაზე [გათავისუფლების მიზეზზე] დღესაც არ მაქვს ზუსტი პასუხი. შეიძლება ასე აიხსნას, მაღალი თანამდებობის პირებს შორის შიდა კულუარული ინტრიგები [იყო]. ეს უკავშირდებოდა მერაბიშვილის და ოქრუაშვილის დაპირისპირებას. მე, როგორც სამხედრო მეთაურს, „ნოხის“ ქვეშ და კულისების უკან, რა ხდებოდა, არ ვიცი. ჩამობრძანებული იყო მინისტრი, ცხინვალიდან გამოვატარე. შს მინისტრის მერე არავის გაუვლია. გამოვატარე და ამაზე დაიბოღმა და გამათავისუფლა. დიახ, [ოქრუაშვილმა] გამათავისუფლა. ხეობაში მინისტრი მერაბიშვილი იყო ჩამოსული. მე მაგათი ურთიერთობა არ ვიცოდი…. [გათავისუფლების] მიზეზი დღემდე არ ვიცი, ჭორად მომიტანეს, რომ ეს იყო“, – განაცხადა ყურაშვილმა.