თბილისში, ელიავას ბაზრობაზე 19 მაღაზია გაქურდეს.
გავრცელებული ინფორმაციით, წაღებულია ფული.
როგორც “მთავარი არხთან” ერთ-ერთი დაზარალებული აცხადებს, დღეს დილით, ადგილზე მისულ დამსაქმებლებს მაღაზიები გატეხილი დახვდათ.
როგორც ის ამბობს, კამერების ჩანაწერებში ჩანს 3 სავარაუდოდ არასრულწლოვანი, ჰუდებითა და პირბადეებით, რომლებიც მაღაზიების კარს აღებენ და შიდა სივრცეებში შედიან.
სხვადასხვა ობიექტიდან, სხვადასხვა ოდენობის თანხაა წაღებული. უფრო კონკრეტულად, გაქურდულია გათბობა- გაგრილების სექციის პირველი და მეორე რიგი.
დაზარალებულის ცნობითვე, ადგილზე იმყოფებოდნენ სამართალდამცველები, რომლებმაც საგამოძიებო მოქმედებები ჩაატარეს.