ამსტერდამში დანით შეიარაღებული მამაკაცის თავდასხმის შედეგად ხუთი ადამიანი დაშავდა. ინფორმაციას ამის შესახებ ადგილობრივი მედია ავრცელებს.
მედიის ცნობით, ინციდენტი ამსტერდამის ცენტრში, დამის მოედანთან ახლოს მოხდა. მამაკაცი, რომელმაც ხუთი ადამიანი დანით დაჭრა, უკვე დაკავებულია, ხოლო დამის მოედნის ნაწილი პოლიციამ შემოღობა.
დაჭრილების ევაკუაციისთვის მობილიზებული იყო ვერტმფრენი. თავდასხმასთან დაკავშირებით ამსტერდამის საქალაქო საბჭოს სხდომა შეწყდა.
ჯერჯერობით უცნობია როგორც დაზარალებულთა მდგომარეობა, ისე თავდამსხმელის ვინაობა და დანაშაულის მოტივი.