ერთ-ერთი ყველაზე დიდი ქართული ბიზნესჯგუფის, „საქართველოს კაპიტალის“ დირექტორთა საბჭოს წევრები მთავრობის ადმინისტრაციაში „ქართული ოცნების“ პრემიერ-მინისტრ ირაკლი კობახიძეს შეხვდნენ.
მთავრობის ადმინისტრაციის გავრცელებულ ფოტოში ჩანს, რომ შეხვედრას ესწრებოდა „საქართველოს კაპიტალის“ აღმასრულებელი დირექტორი, ყოფილი პრემიერის ნიკა გილაურის ძმა ირაკლი გილაური.
„შეხვედრაზე საუბარი შეეხო საქართველოში არსებულ ხელსაყრელ საინვესტიციო გარემოს, მაღალ ეკონომიკურ ზრდას, ქვეყნის სატრანზიტო როლს და დაკავშირებადობის ფუნქციას… ხაზი გაესვა მშვიდობისა და სტაბილურობის განსაკუთრებულ მნიშვნელობას, რაც ეკონომიკური ზრდისა და ბიზნესის განვითარების აუცილებელი წინაპირობაა“, – წერია პრესსამსახურის ინფორმაციაში