პოლიტოლოგი გია ხუხაშვილი სოციალურ ქსელში მარიამ შენგელიას დღევანდელ განცხადებას ეხმიანება.
“ქოცისთვის freedom რომ მშვიდობაა, ეს არ არის მხოლოდ თარგმანის პრობლემა.
აქ ქვეცნობიერის უკუღმართობასთან გვაქვს საქმე.
რეალურად, “ქოცური” გაგებით მშვიდობა და თავისუფლება ერთმანეთთან შეუთავსებელი მდგომარეობაა.
მშვიდობა მოიპოვება თავისუფლების დაკარგვის ხარჯზე, ხოლო თუ თავისუფალი ხარ, ე.ი. ომი გინდა, ანუ არ გექნება მშვიდობა” – წერს გია ხუხაშვილი.
მომღერალმა მარიამ შენგელიამ, რომელიც ევროვიზია 2025-ზე საქართველოს წარმომადგენელი იქნება, საზოგადოებრივი მაუწყებლის ეთერში აღნიშნულ კონკურსზე შესასრულებელი სიმღერის შესახებ ისაუბრა.
„სიმღერაში ქართული ელემენტებია, და ეს იყო პრიორიტეტული წლევანდელი ევროვიზიისთვის. სიმღერის მესიჯი, რა თქმა უნდა, ცხადია — მშვიდობა. Freedom ჰქვია სიმღერას და ნათელია, რომ ეს არის ძალიან დიდი მესიჯი. ყველაზე მნიშვნელოვანი“, – თქვა მარიამ შენგელიამ.