“ფაქტობრივად მხოლოდ წყალზე და ჩაიზეა 161-დღიანი შიმშილობის შეწყვეტის შემდეგ, საერთოდ ვერ ჭამს იმ საკვებს, რასაც აძლევენ”- – ამის შესახებ აზერბაიჯანელი ჟურნალისტის აფგან სადიგოვის ცოლმა სევინჩ სადიგოვამ “ნეტგაზეთთან” განაცხადა.
“წინა კვირასაც მითხრა ამის შესახებ, მაგრამ ხმამაღლა არ მითქვამს, ვიფიქრე, გამოსწორდებოდა სიტუაცია. დღესაც ვესაუბრე და იგივეა. ფაქტობრივად მხოლოდ წყალზე და ჩაიზეა 161-დღიანი შიმშილობის შეწყვეტის შემდეგ, საერთოდ ვერ ჭამს იმ საკვებს, რასაც აძლევენ. მისი თქმით, ამ საკვების მიღების შემდეგ, ჯანმრთელი ადამიანიც კი დაავადდება, არათუ მის მდგომარეობაში მყოფი პატიმარი, რომელსაც ამდენხნიანი შიმშილობის შემდეგ ჯანმრთელობა აღარ უვარგა. ციხეში არსებულ მაღაზიაში კი მხოლოდ წვენის და ორცხობილას მსგავსი საკვების ყიდვაა შესაძლებელი. არ ვიცი, რატომ აკეთებენ ამას, ადამიანმა ამდენი ხანი იშიმშილა და ამ მიდგომით ისევ რისკის ქვეშ აყენებენ მის ჯანმრთელობას. ილჰამ ალიევის და ბიძინა ივანიშვილის რეჟიმი ყველაფერს აკეთებენ, რომ სრულად გაანადგურონ ის ციხეში”- განაცხადა აფგან სადიგოვის ცოლმა.