“ვივა მედის” ხელმძღვანელის, ნინო ნადირაძის საჩივრის საფუძველზე, “ბათუმელი მედროშე”, თემურ ქათამაძე, სასამართლომ 2800 ლარით დააჯარიმა.
შეგახსენებთ, რომ ნინო ნადირაძის თქმით, თემურ ქათამაძემ მას ფიზიკური შეურაცხყოფა მიაყენა.
აღნიშული ინფორმაცია „საერთაშორისო გამჭვირვალობა-საქართველოს“ წარმომადგენელმა, გოჩა მჟავანაძემ გაავრცელა.
„როგორც ჩვენი მედროშის მიერ გამოგზავნილი წერილიდან და მისი მეგობრის მიერ მოწოდებული ინფორმაციიდან ირკვევა, თემურ ქათამაძეს, კლინიკა ვივამედის დირექტორი ნინო ნადირაძე ედავება ფიზიკური შეურაცხყოფის მიყენებას, რაზეც დღეს, 14:00 საათზე, თბილისის საქალაქო სასამართლოში ადმინისტრაციული საქმისწარმოების ფარგლებში გაიმართება სასამართლო პროცესი. ასევე, თემურ ქათამაძე გამოთქვამს უკმაყოფილებას არასათანადო მკურნალობის და უყურადღებობის გამო“, – დაწერა მჟავანაძემ.
ქათამაძე 16 იანვრის შემდეგ პატიმრობაში იყოფება და მას საქართველოდან გაძევება ემუქრება.