მოგესალმებით ბუენოს აირესიდან, – ამ სიტყვებით დაიწყო „ქართული ოცნების“ ერთ-ერთმა ლიდერმა შალვა პაპუაშვილმა დღევანდელი ბრიფინგი. აღნიშნულით მმართველი გუნდის წარმომადგენელი მიხეილ სააკაშვილის იმ ვიდეოს გამოეხმაურა, რომლის მეშვეობითაც ექს-პრეზიდენტი ამბობს, რომ ბათუმშია.
როგორც პაპუაშვილმა აღნიშნა, „ქართული ოცნების“ „ისტორიული გამარჯვებიდან“ 9 წელი გავიდა და სიმბოლურია, რომ დღეს „ნაციონალურ მოძრაობას“, როგორც პოლიტიკურ ძალას, წერტილი დაესვა“.
პაპუაშვილმა ისიც თქვა, რომ “ქართული ოცნების” მორიგ გამარჯვებამდე ერთი დღეა დარჩენილი.
„დღეს 1-ელი ოქტომბერია 9 წელი შესრულდა „ქართული ოცნების“ ისტორიული გამარჯვებიდან და სიმბოლურია, რომ დღეს წერტილი დაესვა „ნაციონალურ მოძრაობას“, როგორც პოლიტიკურ ძალას. „ქართული ოცნების“ მორიგ დამაჯერებელ გამარჯვებამდე დარჩენილია ერთი დღე“,- განაცხადა პაპუაშვილმა.
საქართველოს ექს- პრეზიდენტმა “ფეისბუქის” გვერდზე გამოაქვეყნა ვიდეომიმართვა და განაცხადა, რომ ის საქართველოში, უფრო კონკრეტულად კი ბათუმში იმყოფება.
საქართველოს შინაგან საქმეთა სამინისტროში აცხადებენ, რომ მიხეილ სააკაშვილს საქართველოს საზღვარი არ გადმოუკვეთავს.
https://mix.metronome.ge/21851-2/
https://mix.metronome.ge/21845-2/
https://mix.metronome.ge/21841-2/