ოლიგარქის შინაგან საქმეთა სამინისტროს ინფორმაციით, პარლამენტთან სტუდენტები ადმინისტრაციული წესით, “პოლიციისადმი დაუმორჩილებლობის” მუხლით დააკავეს. ინფორმაცია “მთავარი არხის” ვებგვერდს უწყებაში დაუდასტურეს.
როგორც შსს-ში ამბობენ, 3 დაკავებულიდან 2 ხელწერილის საფუძველზე გაათავისუფლეს. გათავისუფლებულები სეუ-ის სტუდენტები, თათია აფრიამაშვილი და თაკო გვილია არიან, ხოლო მესამე პირი კვლავ დაკავებულია.
შეგახსენებთ, რომ რამდენიმე საათის წინ პარლამენტთან ხმაური იყო, რა დროსაც სამი ადამიანი, მათ შორის, “სეუ”-ს ორი სტუდენტი გოგონა – თათია აფრიამაშვილი და თაკო გვილია, დააკავეს. დააკავეს ერთი ახალგაზრდა ბიჭიც, რომელიც ტროტუარზე იდგა და კითხვას სვამდა, რატომ აკავებდნენ ახალგაზრდებს. როგორც ადგილზე მყოფები ამბობდნენ, ახალგაზრდები პარლამენტის წინ კიბეზე, პატარა სკამების დადგმას ცდილობდნენ, რისი უფლებაც ოლიგარქის პოლიციამ არ მისცეს და ტერიტორიიდან ძალის გამოყენებით, მანქანით წაიყვანა.