ინაუგურაციის შემდეგ, ერთ-ერთი პირველი ბრძანება, რომელსაც აშშ-ის პრეზიდენტმა, დონალდ ტრამპმა ხელი მოაწერა, აშშ-ის მიერ საგარეო დახმარებების 90 დღით შეჩერება იყო.
გამოცემა Reuters-ის ცნობით, ტრამპის ადმინისტრაციამ შეიმუშავა ახალი გეგმა, რომელიც ამერიკის მიერ გაცემული საგარეო დახმარების გადანაწილების სისტემას ცვლის.
გეგმის მიხედვით, დაფინანსებას მხოლოდ ის სფეროები მიიღებენ, რომლებიც შეერთებული შტატების გეოპოლიტიკურ ინტერესებს შეესაბამება. დაფინანსება უნდა განაწილდეს ვიწრო და სტრატეგიული ფოკუსით.