თეთრი სახლის პრესმდივანმა ქეროლაინ ლევიტმა აშშ-ს 46-ე პრეზიდენტის ჯო ბაიდენის ადმინისტრაცია დიდი რაოდენობით ქათმების დახოცვაში დაადანაშაულა. ამის შესახებ ლევიტმა X-ზე დაწერა.
“ბაიდენის ადმინისტრაციამ პრეზიდენტ ტრამპის ინაუგურაციის წინ დახოცა თითქმის 8 მილიონი ქათამი, რამაც გამოიწვია დეფიციტი და ფასების ზრდა. კვერცხის კრიზისი ბაიდენის კრიზისია, მაგრამ პრეზიდენტი ტრამპი და სოფლის მეურნეობის მდივანი ბრუკ როლინსი პრობლემას გადაწყვეტენ.” – წერს ლევიტი.
2025 წლის დასაწყისიდან აშშ განიცდის “კვერცხის კრიზისს”, რომელიც გამოწვეულია ფრინველის გრიპის გავრცელებით, რამაც გამოიწვია კვერცხმდებელი ქათმების მასობრივი განადგურება და შედეგად, კვერცხის დეფიციტი. მანამდე გავრცელდა ინფორმაცია, რომ აშშ-ს სოფლის მეურნეობის დეპარტამენტის მონაცემებით, 10 ცალი კვერცხის ფასი აშშ-ში ბოლო რამდენიმე თვის განმავლობაში 3.42 დოლარიდან 8.03 დოლარამდე გაიზარდა.