“აი ასეთ გარემოში ცხოვრობს ქალაქი, იწამლება მოსახლეობა”- რა საგანგაშო კადრები ვრცელდება ვერეს ხეობიდან?

კოალიცია “ძლიერი საქართველოს” ერთ-ერთი ლიდერი, დეა მეტრეველი სოციალურ ქსელში წერს, რომ ვერეს ხეობა და მიმდებარე ტერიტორია სამშენებლო ნარჩენების ნაგავსაყრელად იქცა.

ოპოზიციონერი პოლიტიკოსის ცნობით, უნივერსიტეტის ქუჩის და წყნეთის გზატკეცილის მონაკვეთებზე ხეობაში იყრება მიწის და სხვა მასალების მყარი და თხევადი ნარჩენები.

ვერეს ხეობა და მიმდებარე ტერიტორია სამშენებლო ნარჩენების ნაგავსაყრელად იქცა. უნივერსისტეტის ქუჩის და წყნეთის გზატკეცილის მონაკვეთებზე ხეობაში იყრება მიწის და სხვა მასალების მყარი და თხევადი ნარჩენები. განსაკუთრებით უცნაურია, მერიის მიერ წყნეთის გზატკეცილზე, ტყის მონაკვეთთან და დასახლებულ პუნქტთან, კერძო კომპანიისთვის დროებით გადაცემული ტერიტორია, სადაც, როგორც მერიის სამსახურმა გვითხრა, ასაწყობებენ სამშენებლო ნაგავას, ღამის საათებში მოაქვთ მძიმე ტექნიკით და, აი, ასე ყრიან, ვითომ დროებით (სავარაუდოდ ეტაპობრივად გადაუშვებენ ხეობაში). გვერდით მცხოვრებლების ინტერესებზე არავინ ზრუნავს, საშინელი ხმაური ღამის საათებში, მტვერი, სუნი, მძიმე მეტალებით დაბინძურებული ჰაერი. აი ასეთ გარემოში ცხოვრობს ქალაქი, იწამლება მოსახლეობა, უნადგურდება ჯანმრთელობა! პასუხი ვის უნდა მოვთხოვოთ? ქალაქის მერიას, რომელიც ისედაც საქმის კურსშია?” – წერს დეა მეტრეველი.