სახალხო დამცველის აპარატის ინფორმაციით, სახალხო დამცველის რწმუნებულებმა, მათ შორის, სახალხო დამცველის აპარატში დასაქმებულმა ექიმმა, #8 პენიტენციურ დაწესებულებაში ბრალდებული გიორგი ჩიკვაიძე მოინახულეს. ასევე, გაესაუბრნენ პენიტენციური სამსახურის სამედიცინო პერსონალს.
მათი ცნობით, ამ დროისთვის, ჩიკვაიძის ჯანმრთელობის მდგომარეობა საყურადღებოა და ექიმების მეთვალყურეობის ქვეშ იმყოფება.
“საზოგადოებისთვის ცნობილია, რომ გიორგი ჩიკვაიძეს გამოცხადებული აქვს შიმშილობა. ამ დროისთვის, მისი ჯანმრთელობის მდგომარეობა საყურადღებოა და ექიმების მეთვალყურეობის ქვეშ იმყოფება.
ბრალდებულის ჯანმრთელობის მდგომარეობის შესახებ დეტალურ ინფორმაციას, განსაკუთრებული კატეგორიის პერსონალური ინფორმაციის დაცვის მიზნით, არ ვასაჯაროებთ.
სახალხო დამცველის აპარატი გააგრძელებს გიორგი ჩიკვაიძის უფლებების დაცვაზე ზედამხედველობას”, – ნათქვამია განცხადებაში.
დღეს, 19 მარტს ჩიკვაიძის ბიზნესპარტნიორმა, ირაკლი პაპიაშვილმა თქვა, რომ შიმშილობის მე-8 დღეს, ჩიკვაიძის ჯანმრთელობის მდგომარეობას უკიდურესად დამძიმდა.