BBC-ის ინფორმაციით, ცნობილი გახდა, რომ ამერიკელი მსახიობის, ჯინ ჰეკმანის მეუღლე ბეტსი არაკავა 12 თებერვალს გარდაიცვალა, ხოლო ჰეკმანი ერთი კვირის შემდეგ, 18 თებერვალს.
წყვილის ცხედრები გასულ თვეს თავიანთ სახლში იპოვეს.
არაკავას გარდაცვალების მიზეზად ჰანტავირუსის ფილტვის სინდრომი სახელდება, ჰეკმანის – გულის მძიმე დაავადება, ხოლო ალცჰაიმერი, როგორც ხელშემწყობი ფაქტორი.
როგორც ექსპერტები ამბობენ, ჰეკმანს ცოლის სიკვდილის გაცნობიერებაში ალჰაიმერმა შეუშალა ხელი. ისინი ასევე ვარაუდობენ, რომ მსახიობმა გლოვისა და მწუხარების სხვადასხვა ეტაპი გაიარა და, შესაძლოა, ცოლის გაღვიძებასაც ცდილობდა, თუმცა, ალცჰაიმერის გამო, მას პერიოდულად გონება ეფანტებოდა.
მკვდარი იპოვეს მათი ძაღლიც. ცხოველის სიკვდილის მიზეზად შიმშილი და გაუწყლოება სახელდება.საქმის გამოძიება გრძელდება. უკვე გამოთხოვილია სახლის კამერის ჩანაწერები. მომდევნო სასამართლო 31 მარტს გაიმართება.