დაპატიმრებული ბიზნესმენის, გიორგი ჩიკვაიძის დედამ, ეკა წერეთელმა „ტვ პირველის“ ეთერით სახელმწიფო ორგანოებს მიმართა, გადაიყვანონ მისი შვილი საავადმყოფოში.
„კეთილი ინებეთ და მოუარეთ თქვენს პატიმარს. ყველაფერს აქვს ზღვარი. მე, დედა, აქედან საკანში ვერ მივეშველები. „გადაიყვანეთ საავადმყოფოში, ძალიან მძიმე მდგომარეობაა, კრუნჩხვების შესახებ არ ვიცოდი…
მე თქვენ ჩემს ცრემლებს არ დაგანახებთ, ვიბრძოლებთ ბოლომდე…
პატიმარს მიხედეთ. მინდა, ჩემი შვილი ცოცხალი მყავდეს…“, თქვა მან.
შეგახსენებთ, გიორგი ჩიკვაიძის ჯანმრთელობის მძიმე მდგომარეობის შესახებ ინფორმაცია დღეს მისმა ბიზნესპარტნიორმა, ირაკლი პაპიაშვილმა გაავრცელა.