მარნეულში, ერთ-ერთი ბიზნესმენის სახლში ხელყუმბარა შეაგდეს. ინფორმაციას Aktual.ge ავრცელებს.
მათი ცნობით, ხელყუმბარა არ აფეთქებულა და შესაბამისად, არავინ დაშავებულა.
18 მარტის ღამეს უცნობმა პირებმა ბიზნესმენის სახლში ხელყუმბარა ისროლეს. სასწაულით, ბომბი არ აფეთქდა და არც ტრაგედია მომხდარა. გავრცელებული ინფორმაციით, შემზარავი თავდასხმის უკან კრიმინალური სამყაროს წარმომადგენლები იდგნენ. მოპოვებული ინფორმაციით, რამდენიმე ხნის წინ კრიმინალური სამყაროს წევრებმა ბიზნესმენს დიდი ოდენობით თანხა მოსთხოვეს, თუმცა ბიზნესმენმა მათ უარი უთხრა, – წერს მედია.
გამოცემა ბიზნესმენის ვინაობას არ ასახელებს.