რაზე ისაუბრეს ამერიკის შეერთებული შტატებისა და რუსეთის პრეზიდენტებმა ორი საათის განმავლობაში? – სატელეფონო კომუნიკაციის შესახებ ვაშინგტონი და მოსკოვი ოფიციალურ განცხადებებს ავრცელებენ.
თეთრი სახლის თანახმად, ორი ქვეყნის პრეზიდენტები შეთანხმდნენ, რომ უკრაინაში მშვიდობისკენ სვლა დაიწყება ენერგეტიკისა და ინფრასტრუქტურის სფეროში ცეცხლის შეწყვეტით. ასევე, შავ ზღვაში საზღვაო ცეცხლის შეწყვეტის, სრული ცეცხლის შეწყვეტისა და მუდმივი მშვიდობის დანერგვის შესახებ ტექნიკური მოლაპარაკებებით.
კრემლში კი აღნიშნავენ, რომ პუტინი დათანხმდა ტრამპის ინიციატივას – მხარეებმა 30 დღის განმავლობაში ორმხრივად შეიკავონ თავი ენერგეტიკულ ინფრასტრუქტურაზე სამხედრო შეტევისგან. რუსეთის პრეზიდენტის ადმინისტრაციის ინფორმაციით, შესაბამისი ბრძანება რუსეთის პრეზიდენტმა უკვე გადასცა სამხედრო დანაყოფებს.
ამერიკისა და რუსეთის პრეზიდენტები სატელეფონო საუბრის დროს, ასევე, შეთანხმდნენ, რომ შეიქმნება ექსპერტთა ჯგუფები, რათა გაგრძელდეს მუშაობა “უკრაინაში ორმხრივი გადაწყვეტილების” მისაღწევად