ნანუკა ჟორჟოლიანი სოციალურ ქსელში წერს, რომ “ნანუკას ფონდის” დაყადაღების შემდეგ მისი მისამართით სოლიდარობის შეტყობინებები არ წყდება.
“მეგობრებო, კითხულობთ სად არიან ის ადამიანები, რომლებსაც ოჯახის წევრები გადავურჩინეთ.
აქ არიან, ჩემთან.
ორი დღეა ტელეფონი არ გაჩერებულა. მეკითხებიან რა გააკეთონ, რა შეუძლიათ.
წერენ ვიდეოებს და აგზავნიან. დებენ პოსტებს. უბრალოდ, მერიდება ყველა პოსტის დადება, ისედაც ზედმეტი მგონია ეს ყურადღება.
ბავშვები ციხეში, მზიას პროცესი. ამ ყველაფრის ფონზე ისედაც მგონია რომ ბევრი ნანუკას ფონდია.
ბავშვის გადარჩენა რომ ვერ მოვასწარით მისი მშობლებისგანაც კი წარმოუდგენელი შეტყობინება მივიღეთ. უსაზღვრო მადლიერება, რომელმაც ყველა გვატირა სამსახურში.
შემდეგ ოთხშაბათს ნახავთ ყველას. საერთოდ ყველა ოჯახის წევრიც გადაგირჩენიათ თქვენ, უბრალოდ ფონდის დახმარებით.
ვკითხულობ ყველას პოსტს, ყველა კომენტარს, ყველა შეტყობინებას.
იცოდეთ ყველა სიტყვას ოქროს ფასი აქვს და სამუდამოდ მემახსოვრება.” – დაწერა ჟორჟოლიანმა.
შეგახსენებთ, რომ 17 მარტს პროკურატურამ “ნანუკას ფონდი” დააყადაღა.