“გულწრფელად გეტყვით, რომ ვიწვი, როგორც პოლიტიკოსი სირცხვილით…” – რას ამბობს ელენე ხოშტარია?

ელენე ხოშტარიამ სიტყვით მიმართა საზოგადოებას “კოალიცია ცვლილებისთვის” ხედვის პრეზენტაციაზე.

“ვიწვი, როგორც პოლიტიკოსი, სირცხვილით, რომ ჩემს ქვეყანაში არიან სინდისის პატიმრები და მე ვდგავარ აქ. ვიწვი, როგორც პოლიტიკოსი, სირცხვილით, რომ მე გისმენთ თქვენ, რომლებსაც გინდათ, რომ აკეთოთ თქვენი საქმე და ამის უზრუნველყოფა ჩვენ ვერ მოვახერხეთ. მაგრამ მე არ ვაპირებ, რომ სირცხვილის გრძნობაში დავრჩე. მე ვგრძნობ პასუხისმგებლობას ყოველი იმ ადამიანის მიმართ, რომელსაც უბრალოდ ჩვენი წუწუნი კი არა, ჩვენი ხედვა, ბრძოლა, იმედის რწმენა, ერთმანეთის სოლიდარობა და პროფესიონალიზმი უნდა აძლიერებდეს” – განაცხადა ხოშტარიამ.