“გახარიას ნარკოტესტის ამბავი გახსოვს? გახარიამ ნარკოტესტი ქვეყნის გარეთ გაიკეთა, ნევროლოგ მუჰამედ ბაღეისთან გაიკეთა. თქვენ თვითონ შეაფასეთ მისი სანდოობა, როგორ შეიძლება ნევროლოგი, რომელიც ფსიქიკურ აშლილობას მკურნალობს ნარკოტესტს აკეთებდეს?” – ასე ეხმაურება ექსპერტი დავით ჩიხელიძე პარტიის, „საქართველოსთვის“, ერთ-ერთი ლიდერის ნათია მეზვრიშვილის მიერ კახა კალაძესთან დაკავშირებით დაწერილ ფეისბუქ-პოსტს.
მისივე თქმით, კალაძისგან განსხვავებით, გახარია კაცობაში არაერთგზის ჩაჭრილი, პოლიტიკურად გაკოტრებული ადამიანია, რომელმაც ქვეყანას და საკუთარ გუნდს, არც მეტი არც ნაკლები მელიას გამო უღალატა.
„ფაქტია გახარიას და მისი გუნდის წევრებს რომ მოკლე მეხსიერება აქვთ. ფსკერია, როცა გახარიას თოჯინა (პოლიტიკური) სხვას კაცობაში ჩაჭრილს უწოდებს. გახარიას ნარკოტესტის ამბავი გახსოვს? გახარიამ ნარკოტესტი ქვეყნის გარეთ გაიკეთა, ნევროლოგ მუჰამედ ბაღეისთან გაიკეთა. თქვენ თვითონ შეაფასეთ მისი სანდოობა, როგორ შეიძლება ნევროლოგი, რომელიც ფსიქიკურ აშლილობას მკურნალობს ნარკოტესტს აკეთებდეს? კალაძისგან განსხვავებით, გახარია კაცობაში არაერთგზის ჩაჭრილი, პოლიტიკურად გაკოტრებული ადამიანია, რომელმაც ქვეყანას და საკუთარ გუნდს, არც მეტი არც ნაკლები მელიას გამო უღალატა“, – წერს დავით ჩიხელიძე.
შეგახსენებთ, ნარკოტესტის ჩაბარების შესახებ „ლელოს“ წევრის, საბა ბუაძის დღევანდელ მოწოდებას კალაძემ უპასუხა, რომ ის მზად არის ამისთვის. „გახარია ხომ არ ვარ გავიქცე და დავიმალო?!“ – თქვა კალაძემ.