მიხეილ სააკაშვილს 12 წელი აბრალებდნენ ყველაფერს, მაგრამ ბოლოს რა დარჩათ? – პიჯაკი და პროტოკოლური ყვავილების თაიგული – ამის შესახებ “სტრატეგია აღმაშენებლის” ლიდერმა, გიორგი ვაშაძემ განაცხადა.
“რა ბრალი დარჩა იმ პროპაგანდიდან? არაფერი. ქვეყანას ანგრევენ, მილიონებს იპარავენ, ხალხს აჯარიმებენ, არბევენ, იჭერენ, ციხეში სვამენ და ისინი პიჯაკებზე და გაუგებარ 9 მილიონზე გველაპარაკებიან!
ეს უსამართლობა მხოლოდ ერთ ადამიანს არ ეხება. რეჟიმი მაშინ იმარჯვებს, როცა გვყოფს. რეჟიმი მაშინაა ძლიერი, როცა ერთმანეთს ვებრძვით!
მათი სტრატეგიაა გათიშვა და დაპირისპირება – ჩვენი პასუხი უნდა იყოს ერთიანობა!
ყველა უსამართლოდ დევნილი უნდა გათავისუფლდეს უპირველესად, აქციებზე დაკავებული სტუდენტები, ექიმები, ჟურნალისტები და ყველა პატრიოტი, ვინც საქართველოსთვის იბრძვის!
ერთად დგომა არჩევანი არ არის ეს გამარჯვების გზაა! და ამ ბრძოლას ერთად მოვიგებთ!” – გიორგი ვაშაძე.
მოსამართლე ბადრი კოჭლამაზიშვილმა ე.წ. პიჯაკების საქმეზე მესამე პრეზიდენტს, მიხეილ სააკაშვილს 9 წლით თავისუფლების აღკვეთა მიუსაჯა, სდსს-ს ყოფილ უფროსს, თეიმურაზ ჯანაშიას კი 300 ათას ლარიანი ჯარიმა დააკისრა.