ზუგდიდის მუნიციპალიტეტში, სოფელ დარჩელში ავტოსაგზაო შემთხვევა მოხდა, რის შედეგადაც 1 ადამიანი დაშავდა.
არსებული ინფორმაციით, ავტომობილი ქვეითს დაეჯახა. დაშავებული ზუგდიდის რეფერალურ საავადმყოფოშია გადაყვანილი და მას სასწრაფო ოპერაცია უტარდება. მას დაზიანებები, სავარაუდოდ, თავის არეში აქვს მიღებული. ადგილზე ექსპერტ-კრიმინალისტები და საპატრულო პოლიციის თანამშრომლები არიან მობილიზებული.
ავტომობილის მძღოლი ექსპერტიზაზეა გადაყვანილი. მომხდარზე გამოძიება სსკ-ის 276-ე მუხლით მიმდინარეობს, რაც ტრანსპორტის ექსპლუატაციის წესის დარღვევას გულისხმობს.