აღუდგენს თუ არა აშშ უკრაინას დაზვერვაზე წვდომას?

აშშ-ის პრეზიდენტმა, დონალდ ტრამპმა Air Force One-ზე რეპორტიორებთან საუბრისას უპასუხა ჟურნალისტის კითხვას – აღუდგენს თუ არა აშშ უკრაინას დაზვერვაზე წვდომას?

„ჩვენ ეს თითქმის უკვე გავაკეთეთ…

გვინდა, გავაკეთოთ ყველაფერი, რაც შეგვიძლია, რათა უკრაინა სერიოზული იყოს რაიმეს მიღწევის შესახებ“, – აღნიშნა ტრამპმა.

შეგახსენებთ, უკრაინისთვის სადაზვერვო ინფორმაციის შეჩერებაზე ინფორმაცია 5 მარტს, აშშ-ს ცენტრალური სადაზვერვო სააგენტოს (CIA) დირექტორმა, ჯონ რეტკლიფმა დაადასტურა.
მისივე თქმით, ეს ნაბიჯი ტრამპის ადმინისტრაციამ მას შემდეგ გადადგა, რაც თეთრ სახლში უკრაინის პრეზიდენტ ვოლოდიმირ ზელენსკისთან შეკამათება მოხდა.