გუშინ ღამით თბილისში, ბელიაშვილის ქუჩაზე, სავარაუდოდ, რესტორნიდან გასროლილი ტყვია საცხოვრებელ კორპუსში, რამდენიმე სახლში შევარდა.
არსებული ინფორმაციით, დაზიანებულია მე-14 და მე-16 სართულების ბინები.
„დაახლოებით ერთი საათის წინ გავიგეთ ხუთჯერ გასროლის ხმა. ჩვენ ვცხოვრობთ ბელიაშვილზე, წისქვილის, თეატრის რესტორნების პირდაპირ. ვცხოვრობთ მე-16 სართულზე. სამზარეულოში მოხვდა ტყვია და ჩვენ მისაღებში ვიყავით. თავიდან ფეიერვერკის ხმა გვეგონა, მაგრამ მეხუთე გასროლის ხმა არ იყო, საშინელი მსხვრევის ხმა იყო“, – თქვა ერთ-ერთი დაზიანებული ბინის მაცხოვრებელმა „ფორმულასთან“ ინტერვიუში.
მან იდენტიფიცირება არ ისურვა.