“როგორ ვერ ვამჩნევდი აქამდე…”- რას წერს ვიკა ბუკია?

ჟურნალისტი, ვიკა ბუკია უწყვეტი პროევროპული აქციების მე-100 დღესთან დაკავშირებით სოციალურ ქსელში პოსტს ავრცელებს, რომელსაც უცვლელად გთავაზობთ:

“100 დღეში რა აღმოვაჩინე? ამ ბრძოლამ მასწავლა ვინ ვინ არის. მასწავლა, რომ გმირები ყველგან შეიძლება იყვნენ – ზოგჯერ მათ ვერც კი ვხედავთ. ამ 100 დღეში რუსთაველის გამზირზე გავიცანი ადამიანები, ვისგანაც ვერასდროს წარმოვიდგენდი ასეთ თავდადებას. მაგრამ ახლა სასწაულს ვხედავ – სამშობლოს ისეთი სიყვარული ჰქონიათ და პასუხისმგებლობაა, მიკვირს, როგორ ვერ ვამჩნევდი მათ აქამდე.

მათ თვალებში ანთებული ცეცხლი და ეს სიჯიუტე მივიდნენ რუსთაველზე ქარში და წვიმაში, ლხინში და ჭირში, სამსახურებიდან და სახლებიდან, ქორწილებიდან, დაბადების დღეებიდან და ქელხებიდან, მნიშვნელოვანი შეხვედრებიდან გამოძვრნენ და მივიდნენ რუსთაველზე, რუსთაველზე და ისევ რუსთაველზე და ყველაზე დღე დაასრულონ რუსთაველზე – მაძლევს იმედს, რომ ეს ბრძოლა გამარჯვებით დასრულდება.”- წერს ვიკა ბუკია.

შეგახსენებთ, რომ გუშინ, 7 მარტს, პროტესტის მე-100 დღეს თბილისსა და რეგიონებში საპროტესტო აქციები გაიმართა სახელწოდებით – “ბოლომდე”. თბილისის ქუჩებში, რუსთაველის გამზირისკენ კერძოდ კი, პარლამენტის შენობის მიმართულებით რამდენიმე მსვლელობა მოეწყო.
თბილისის მერიის შენობიდან არქიტექტორების, თბილისის სახელმწიფო უნივერსიტეტიდან კი სტუდენტებისა და პროფესორების მსვლელობა გაიმართა, რომელსაც საზოგადოებრივი მაუწყებლის შენობასთან შეკრებილი დემონსტრანტების მარში შეუერთდა.

ცნობისთვის, პროტესტის უწყვეტი ტალღა მოჰყვა “ქართული ოცნების” განცხადებას, რომლის თანახმადაც, მათ გადაწყვიტეს, რომ “2028 წლამდე” დღის წესრიგში არ დააყენონ ევროკავშირთან გაწევრებაზე მოლაპარაკებების გახსნა.