ეროვნული ბიბლიოთეკის დირექტორი, მწერალი გიორგი კეკელიძე სოციალურ ქსელში ვერაზე მოკლული 22 წლის ნიკოლოზ კვარაცხელიას შესახებ წერს და აღნიშნავს, რომ მისი დედის თხოვნით, საინტერესო წამოწყებას ჩაეყარა საფუძველი:
„ეს დღეებია, ნიკო კვარაცხელიას დედას ვესაუბრები, ქალს, რომელიც ჩემთვის სრულიად მიუწვდომელ მხნეობას და ძალას მაჩვენებს. საბოლოოდ, რადგან ახლა ნიკოს სახელს სწორედ ის სჭირდება, რისთვის იყო ეს ადამიანი მოწოდებული ანუ საქმე, ასე გადავწყვიტეთ: FEEDC პლატფორმაზე შეიქმნება საგანმანათლებლო-ლიტერატურული მიმართულება, რომელსაც მე და ჩემი რამდენიმე მეგობარი წარვმართავთ LIB.GE-ს ძველი გუნდიდან – ბლოგები, ლიტერატურული პოდკასტები, ინტერვიუები.
ჯერ ეს არის, რაც შეგვიძლია
ჯერ ეს არის, რაც შეგვიძლია.
p.s. პირველი, ჩემი მეგობრის და ერთ-ერთი საუკეთესო ლიტერატორის ზაალ ჩხეიძე/zaal chkeidze გადაცემა იქნება,” – წერს კეკელიძე “ფეისბუქის” გვერდზე, პოსტის კომენტარში კი დასძენს: – “ვინც ჯერ არ იცის, FEEDC ნიკოს შექმნილი სოციალური სივრცე იყო, დიდი გეგმებით და უკვე სერიოზული აწმყოთი.”