საქართველოს კულტურის პალატის პრეზიდენტი დავით ოქიტაშვილი “ფეისბუქის” პირად გვერდზე მიმართვას ავრცელებს:
“გონიერი ადამიანი არასოდეს დაუშვებს უზნეობას, რაც ამ ნაც-ჯალათებმა ჩაიდინეს ჩვენი ქვეყნის მიმართ და დღემდე სჩადიან!!!
კიდევ ერთხელ დადგა დრო თვალის მტკივნეული ახელისა. დიდი ხანია ქვეყანა უბედურებით იწამლება ნაც-ჯალათების მხრიდან. მორჩა სიცრუის დიდი ღრეობა. ახლა ამ ღრეობის მონაწილეებს ღიმილი მიალპათ სახეებზე.
ავსულის ნებით – სადიზმით დასნეულებული ორფეხა ცხოველების მოქმედებები, ბოლო წვეთი აღმოჩნდა მოთმინებისა.
ახლა ერიც და ბერიც ერთად ახორციელებენ ეგზორციზმის სიმბოლურ სცენას – ავსულთა განდევნას. ჯოჯოხეთგამოვლილი ჰუმანიზმი გზას მიიკვლევს – “ბოროტსა სძლია კეთილმან”. ახლა ნაც-ჯალათების გვერდში დგომა საზოგადოებისთვის აღიქმება, როგორც სატანის შავი მესა.
ის, ვინც დღესაც ვერ ელევა თავის მფარველებს, გარდა იმისა, რომ სინდისთან მწყრალად არის, ემსგავსება უძღებ ვამპირს მიკრულ ტკიპას – სისხლში მოზიარეს.
გევედრებით, არ გაიმეტოთ თავი და შთამომავლობა. პირადად ჩემთვის არ არსებობს არავითარი აუცილებლობა ჩემი სინდისის მიღმა.
თქვენც კარგად იცით, რომ უდიდესი გამარჯვება საკუთარ თავზე გამარჯვებაა, სძლიეთ ჩვეულ კეთილდღეობას, ეს ილუზიაა, რომელიც მირაჟივით გაქრება, როცა სული აგტკივდებათ, როცა სინდისი გამხელთ, როცა მომავალი პასუხს მოგთხოვთ. პატიოსნების ხარისხი იზომება არა შეცდომებით (უცოდველი არავინაა), არამედ იმ შეგრძნებით, რომელიც ადამიანს ეუფლება ამ შეცდომის გაცნობიერებისას.
გაბრიელ ქიქოძე ბრძანებდა – “უცოდველი არავინაა, მთავარია შენმა სინდისმა არ დაგიმალოს ეს ცოდვა”. გონიერი ადამიანი არასოდეს დაუშვებს უზნეობას, რაც ამ ნაც-ჯალათებმა ჩაიდინეს ჩვენი ქვეყნის მიმართ და დღესაც სჩადიან. გონებრივი და ზნეობრივი თითქმის ყოველთვის ემთხვევა ერთმანეთს.
კიდევ ერთხელ მოგიწოდებთ, დადექით იქ, სადაც ზნეობა ზეიმობს, ” – წერს დავით ოქიტაშვილი სოციალურ ქსელში.