მას შემდეგ, რაც ბატონმა ბიძინა ივანიშვილმა დისტანცირება მოახდინა ხელისუფლებისგან და ვფიქრობ, ძალიან სწორი ნაბიჯი გადადგა, ამ გუნდმა უფრო მეტად ირწმუნა საკუთარი ძალისა, საკუთარი თავის და გაართვა თავი იმ ურთულეს პრობლემატიკას, რასაც ქვეყნის მართვა ჰქვია. ირაკლი ღარიბაშვილის ხელმძღვანელობით გუნდმა თავი გაართვა გამოწვევებს – ამის შესახებ პოეტმა, დავით მაღრაძემ ტელეკომპანია “იმედის” გადაცემაში „იმედი LIVE“ განაცხადა.
როგორც მაღრაძემ აღნიშნა, მმართველმა გუნდა ვექტორი გადახარა დამოუკიდებლობისკენ.
„ირაკლი ღარიბაშვილის ხელმძღვანელობით გუნდმა თავი გაართვა გამოწვევებს და დღეს სახეზე გვაქვს რომ ეს გუნდი ძალიან დიდ გამოწვევებს, ართმევს თავს, როგორც საგარეოს, ისე – საშინაოს. ვთვლი, რომ ვექტორი დამოუკიდებლობისკენ გადაიხარა. ითქვა, რომ ვექტორი ჩრდილოეთისკენ გადაიხარა, როდესაც შარლ მიშელის დოკუმენტიდან გავიდა „ქართული ოცნება“ და უნდა გასულიყო, რადგან არ შეიძლება შენ მუდმივად ცალმხრივად იყო ჩართული რომელიმე ხელშეკრულებაში, სესხზე უარის თქმა, ეს ჩრდილოეთისკენ კი არ, დამოუკიდებლობისკენ გადახრილი ვექტორია. „ქართული ოცნების“ გუნდმა დაიბრუნა მართვის სადავეები. არ შეიძლება მუდმივად ევროსტრუქტურებსა და დიპლომატიურ კორპუსს გადააბარო ქვეყნის მართვა, ეს ანომალიაა, დაიბრუნა და სწორადაც მოიქცა ამას ვგულისხმობ, როდესაც ვამბობ, რომ მართვას გაართვა თავი. მართვის სადავეები დაიბრუნა, სწორი ნაბიჯი გადადგა და ვექტორი დამოუკიდებლობისკენ გადახარა,“ – განაცხადა დავით მაღრაძემ “იმედის” ეთერში საუბრისას.