საბერძნეთის დედაქალაქ ათენში პოლიციასა და დემონსტრანტებს შორის შეტაკებები მოხდა. სინტაგმას მოედანზე, პარლამენტის წინ შეკრებილი ათასობით ადამიანი მთავრობისგან ორი წლის წინ სარკინიგზო კატასტროფის შედეგებზე პასუხისმგებელი პირების დასჯასა და სამართლიანობის აღდგენას ითხოვდა.
შეტაკებამდე, დემონსტრანტებმა ტრაგედიის დროს დაღუპულების ხსოვნას წუთიერი დუმილით პატივი მიაგეს და ცაში მანათობელი ფარნები გაუშვეს.
სარკინიგზო ავარიას 2023 წლის 28 თებერვალს, ტემპას მუნიციპალიტეტში 57 ადამიანი ემსხვერპლა. საქმეზე დაწყებულია გამოძიება თუმცა, ამ დრომდე, არავის პასუხისმგებლობის საკითხი არ დამდგარა.
განვითარებული მოვლენებიდან გამომდინარე, ოპოზიციამ საბერძნეთის პარლამენტში ქვეყნის პრემიერ-მინისტრის უნდობლობის გამოცხადების საკითხი დააყენა.