დროა ბუსტერი დაუშვათ! – ია ფარულავა

მსახიობი და ტელეწამყვანი ია ფარულავა ე.წ. ბუსტერის დაშვებას ითხოვს, ამის შესახებ ის “ფეისბუქის” პირად გვერდზე წერს.

“200 000 ამპულა “ფაიზერი” ნოემბერში გაფუჭდება. დროა ბუსტერი დაუშვათ და დანარჩენი გაუგზავნეთ ბანგლადეშის მოსახელეობას საჩუქრად,” – წერს ფარულავა სოციალურ ქსელში.

ორი დღის წინ აღნიშნულ საკითხზე საქართველოს ჯანდაცვის მინისტრმა, ეკატერინე ტიკარაძემ ისაუბრა და აღნიშნა, რომ ინფორმაცია, რომლის თანახმად, „ფაიზერის“ ვაქცინას ნოემბერში ვადა გასდის, სიმართლეს არ შეესაბამება.

„არანაირი რისკი იმის, რომ „ფაიზერი“ გაფუჭდეს, არ არსებობს, „ფაიზერს“ ნოემბერში არ გასდის ვადა“, – აღნიშნა ეკატერინე ტიკარაძემ.

თუმცა, მინისტრისგან განსხვავებით, ინფექციური პათოლოგიის და შიდსის ცენტრის გენერალური დირექტორი თენგიზ ცერცვაძე სხვაგვარად ფიქრობს და აცხადებს:

“ფაიზერი ფუჭდება, ვადა გასდის. რას შვებით ხალხო, ადამიანი ფაიზერს გააფუჭებს? ქე მაინც აჩუქეთ სხვას ვინც გამოიყენებს, ვისაც ჩვენზე მეტი პასუხისმგებლობა აქვს.

მართლა ვადაგასული კი არ არის, მაგრამ გაუვა თუ ასე გაგრძელდება. 300-მდე ასაცრელი პუნქტია საქართველოში. ავტობუსები დადიან, კიდევ რა ქნან? თითო ადამიანს თითო პროპაგანდისტს ხომ არ მოგამაგრებენ,”- განაცხადა თენგიზ ცერცვაძემ.

ბოლო ოთხ დღეში, კორონავირუსის საწინააღმდეგო ვაქცინით 54 784 ადამიანი აიცრა. ბოლო რამდენიმე დღეა, აცრის საშუალო დღიური მაჩვენებელი 12-14 ათასის ფარგლებშია. ბოლო 24 საათში 12 778 ადამიანი აიცრა.

დაავადებათა კონტროლის ეროვნული ცენტრის ინფორმაციით, 24 სექტემბრის მონაცემებით, სულ ჩატარებულია 1 715 073 აცრა. სულ მცირე 1 დოზით ვაქცინირებულია 963 663 ადამიანი – მოზრდილი მოსახლეობის 33.9%. სრულად ვაქცინირებულია 751 410 ადამიანი – მოზრდილი მოსახლეობის 26.3%.

https://mix.metronome.ge/%e1%83%93%e1%83%90%e1%83%a8%e1%83%95%e1%83%94%e1%83%91%e1%83%a3%e1%83%9a%e1%83%98-%e1%83%99%e1%83%9d%e1%83%95%e1%83%98%e1%83%93%e1%83%a1%e1%83%90%e1%83%ac%e1%83%98%e1%83%9c%e1%83%90%e1%83%90/?fbclid=IwAR1w9waqelLZlro0V0YTlmn3QBLfFEYUaq5pg4nmVxJai2o_wfgDMXwwszM