დღეს, თბილისში, მეტეხის ხიდიდან მტკვარში ავტომობილი გადავარდა. ავტომობილის ამოყვანის სამუშაოები სპეციალური ტექნიკით რამდენიმე საათის განმავლობაში მიმდინარეობდა. მყვინთავებმა მდინარეში ჩავარდნილი ავტომობილი 17 მეტრის სიმაღლეზე იპოვეს.
ახალგაზრდა მამაკაცი, რომელიც დღეს მეტეხის ხიდთან ავტომობილით მდინარეში ჩავარდა და დაიღუპა, დაღუპული გიგი ზარანდიაა. მას მეუღლე და შვილი დარჩა.
ვტოსაგზაო შემთხვევის ამსახველ კადრებს ავრცელებს გვერდი “ჩემი ქალაქი მკლავს”.
კადრებში ჩანს, რომ შემთხვევით გადარჩა გამვლელი, რომელიც ავტოსაგზაო შემთხვევის დროს ტროტუარზე გადაადგილდება.
“როგორც დავინახე ავტომობილში მხოლოდ ერთი მამაკაცი იჯდა. სიჩქარეს ზუსტად მაშინ აუჩქარა, როცა ხიდს მიუახლოვდა… ახლა მოვიდნენ მისი ახლობლები, საშინელება ხდება” – გვიყვება თვითმხილველი.
შსს-ს ინფორმაციით, მომხდართან დაკავშირებით გამოძიება 276-ე მუხლით არის დაწყებული.