მეტეხის ხიდთან, მტკვრიდან ამოყვანილ მანქანაში ერთი ადამიანის ცხედარი იპოვეს.
აღნიშნული საგანგებო სიტუაციების მართვის სამსახურში “მთავარი არხის” ვებგვერდს განუცხადეს.
შინაგან საქმეთა სამინისტრომ მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
შეგახსენებთ, რომ დღეს, თბილისში, მეტეხის ხიდიდან მტკვარში ავტომობილი გადავარდა. ავტომობილის ამოყვანის სამუშაოები სპეციალური ტექნიკით რამდენიმე საათის განმავლობაში მიმდინარეობდა. ჯერ-ჯერობით კვლავ უცნობია ზუსტად რამდენი ადამიანი იმყოფებოდა ავტომობილში.
ინფორმაცია განახლებადია.