მიმდინარე აქციებისას დაკავებული აქტივისტის, ზვიად ცეცხლაძის დედა, ნარგიზ ცეცხლაძე „ფორმულას“ ეთერით ირაკლი კობახიძეს მიმართავს.
„მოვუწოდებ კობახიძეს, ზვიადის ლექტორს, შეგვხვდეს დედებს და დაგველაპარაკოს. დიდი თხოვნა იქნება, თუნდაც ხვალ, თუნდაც ზეგ… თხოვნა იქნება, დედებს შეგვხვდეს და დაგველაპარაკოს, ჩვენც ავუხსნათ ჩვენი მდგომარეობა, ყველაფერს ვაჩვენებ ზვიადის პატარაობიდანვე, როგორი ბავშვი იყო, როგორი პიროვნება და რომ ზვიადი საშიში არ არის ქვეყნისთვის და ზვიადი რომ ჩვენ გამოგვადგება
ამიტომ დიდი თხოვნა მექნება, რომ შეგვხვდეს დედებს. როგორც დედა ისე მოგმართავ, როგორც ზვიადის ლექტორს, მინდა შეგხვდეთ და გაგესაუბროთ, გავცვალოთ ინფორმაციები ერთმანეთში. ჩვენი ქვეყნის შვილები ვართ ყველა და არ გვინდა ჯიბრში ჩადგომა, შედით ჩვენს მდგომარეობაში, შეგვხვდით და გავისაუბროთ“, – აღნიშნავს ნარგიზ ცეცხლაძე.