მომღერალ გიორგი გაჩეჩილაძის, შვილმა, ირინა გაჩეჩილაძემ “ფეისბუქის” პირად გვერდზე გამოაქვეყნა ფოტო არქივიდან, სადაც”უცნობი” და ტელეკომპანია “პირველის” საინფორმაციო სამსახურის უფროსი, ნოდარ მელაძე არიან.
“გიას ფანი ნოდარი (მელაძე),” – დაწერა ირინა გაჩეჩილაძემ, პოსტის კომენტარებში კი დაურთო: – “გავერთე, ეს იყო არსი. ნოდარის ძლიერი მხარეა კერვა ოღონდ სიუჟეტების – აბა, მარტო ნოდარი ხო არ გაერთობა?!”
გიორგი გაჩეჩილაძის შვილის მიერ გამოქვეყნებულ პოსტს თავად ნოდარ მელაძე გამოეხმაურა და დაწერა:
“მე 21 ან 23 წლის წინ , რუსთაველის თეატრის კულისები, ინტერვიუ მოსწავლე ახალგაზრდობის სასახლის რადიო დროსთვის. ნამეტანი ძველი ფოტო მოუძებნია, აგერ ახლა, სამი წლის წინ, “რუსთავი 2”- ში რომ რეკავდა, მთავრობა სიძეს მიჩაგრავს და ინტერვიუს გაკიდებულ რეჟიმში მოგცემთო ეგეც ექნება შენახული,”- დაწერა მელაძემ.
მოგვიანებით, ტელეკომპანია “პირველის” საინფორმაციო სამსახურის უფროსმა მორიგი პოსტი გამოაქვეყნა:
“სხვა ფოტოებიც მაქვს, მარტო ეგ კი არა, აბა დავიწყეთ. სერია / 1”
