იმერეთის ადმინისტრაციის მიერ გავრცელებული ცნობით, ამჟამად მიმდინარეობს დიდთოვლობის შედეგად დაკარგული მერაბ კოჩაძის ადგილსამყოფელის დადგენა.
„სამძებრო სამუშაოებში თავდაცვის სამინისტროს ძალები და შინაგან საქმეთა სამინისტროს საგანგებო სიტუაციების მართვის სამსახურის თანამშრომლები ჩაერთო და ტერიტორიების მონიტორინგი დრონებით განხორციელდა. მათი ადგილსამყოფელი ერთმანეთისგან დაახლოებით 3 კილომეტრითაა დაშორებული. თოვლის საფარი 3 მეტრზე მეტია. უკვე დადგენილია ორი პირის საცხოვრებელი სახლი, სადაც თოვლზე მოძრაობის კვალია დაფიქსირებული. ამჟამად მიმდინარეობს მესამე პირის საცხოვრებელი ბინის დაკვირვება, რომელიც მთაში მდებარეობს, ხოლო მის გადაადგილებას ვარძიის მიმართულებიდან აკვირდებიან. სოფლის საინიციატივო ჯგუფი ცდილობს გზის გაკვალვა“, – აღნიშნულია ინფორმაციაში.