ანდრო ჭიჭინაძე ციხიდან მიმართვას ავრცელებს

მიმდინარე აქციებისას დაკავებული მსახიობი, ანდრო ჭიჭინაძე ციხიდან საიმიგრაციო ცენტრის მიერ დაკავებულ თემურ ქათამაძეს მიმართავს.

„მეტი ყურადღება თემურ ქათამაძეს!
მინდა ვთხოვო რო შიმშილობა შეწყვიტოს, ის ძლიერად და მხნედ ჭირდება ყველას!
28.02.2025 წ.
ა.ჭიჭინაძე“, – აღნიშნულია ჭიჭინაძის წერილში.

შეგახსენებთ, ანდრო ჭიჭინაძეს ბრალი საქართველოს სისხლის სამართლის კოდექსის 225-ე მუხლის მეორე ნაწილით აქვს წარდგენილი, რაც ჯგუფურ ძალადობაში მონაწილეობას გულისხმობს. მუხლი სასჯელის სახედ და ზომად 4-დან 6 წლამდე თავისუფლების აღკვეთას ითვალისწინებს.

რაც შეეხება თემურ ქათამაძე, ის 43 დღეა, შიმშილობს.

ქათამაძე 16 იანვრიდან მიგრაციის დეპარტამენტის დროებითი განთავსების ცენტრში იმყოფება.

მას საქართველოდან გაძევება ემუქრება.