გიორგი კეკელიძე სოციალურ ქსელში პოსტს ავრცელებს.
“ორი დღეა მოხალისედ ვმუშაობთ მე და მეგობრები.
ჩემი წიგნების ჰონორარი მთლიანად მიმართულია სტიქიით დაზარალებულისკენ. დამეხმარა რამდენიმე ნაცნობ-მეგობარიც.
ვამარაგებთ ოჯახებს საკვებით, წამლებით, საჭირო ნივთებით და პორტატული დამტენებით გურიის სამივე მუნციპალიტეტში.
წაღებული გვაქვს რამდენიმე დღის მარაგი და შეძლებისდაგვარად ვკვებავთ მიუსაფარ ცხოველებს.
მოსწავლეებს, რომლებიც ემზადებოდნენ მასწავლებლებთან და ვერ ახერხებენ მისვლას, ონლაინ-ჩართვებისთვის ვუზრუნველყოფთ ინტერნეტით.
მდგომარეობა რთულია. მაქვს კოორდინაცია თითქმის ყველა ჯგუფთან და სადაც ვერ მივდივართ, დისტანციურად ვეხმარებით”- წერს კეკელიძე.