საქართველოს ექს-პრეზიდენტი მიხეილ სააკაშვილი თბილისის ქუჩებში სიძულვილის გამაღვივებელი, პოლიტიკური შინაარსის ბანერების გამოჩენას ვიდეომიმართვით გამოეხმაურა და აღნიშნა, რომ პლაკატის ავტორი ისრაელიდან ივანიშვილის მიერ “ჩამოთრეული” ვინმე მოშე კლუგჰაფტია.
“მინდა ორიოდე სიტყვა გითხრათ, როგორ შევარჩიო სიტყვები არ ვიცი, მაგრამ თქვენ იცით, რომ გამოფინეს ისევ პლაკატები. იქ მე ვარ ცენტრში და ამ პლაკატების ავტორი არის ვინმე მოშე კლუგჰაფტი, ვიღაც ავანტიურისტი, სრული ნაძირალა, გადამთიელი, ისრაელიდან ჩამოთრეული ივანიშვილის მიერ. როგორ ეზიზღებით ივანიშვილს და როგორი დაბალი წარმოდგენა აქვს ქართველი ხალხის ინტელექტზე, რომ ამ აბსოლუტურ ნაგავს აძლევს უამრავ ფულს და თვლის, რომ ეს ჩვეულებრივად დაგასიაფანდებთ.
არ გვეთაკილება, რომ ასეთი სიტუაციაა და ასე დაგვცინიან?! არ გიტყდებათ, პირდაპირ რომ გითხრათ, რომ ვიღაც მოშე კლუგჰატი, ისრაელიდან ჩამოთრეული ნაგავი, არის მთავარი გენერალი თქვენი ტვინების წინააღმდეგ ომის. აი ჩვეულებრივი ტერმინებით რომ ვთქვა, მაგრად “ტეხავს“ ძალიან ვწუხვარ, რომ ამ დონემდე მივედით ყველა ჩვენ. ეს საგიჟეთი უნდა დამთავრდეს, იმიტომ, რომ ყველაფერს აქვს საზღვარი და წერტილი,” – განაცხადა სააკაშვილმა.
ექს-პრეზიდენტის აღნიშნულ განცხადებას ჟურნალისტი თამარ ჩერგოლეიშვილი “ფეისბუქის” პირად გვერდზე ეხმაურება:
“რეებს როშავს…
შვილო, შვილო … ოდისევსიო, ჭკუასუსტები კიდევ უფრო აგიჟებენ, ეგებ ამის წონას დაასხდნენ.
ვინც ამას თავის დროზე კედელი არ გაუკეთა და დააჯახა, რომ აზრზე მოსულიყო, ყველამ დააშავა ლიჩნად ამასთან,” – წერს ჩერგოლეიშვილი სოციალურ ქსელში, პოსტის კომენტარებში კი დასძენს: – “გული მერევა.
ვინც ამას ხმას აძლევს იმასთან მისალმება რომ შევძლო, არ ვუსმენ.”