ბათუმში, გამსახურდიას #11-ში კულტურული მემკვიდრეობის დაცვის ზონაში, ორსართულიანი ისტორიული სახლი ჩამოინგრა. ინფორმაციას გამოცემა “ბათუმელები” ავრცელებს.
“დიდი ალბათობით მიზეზად მთავრობა სტიქიას დაასახელებს, თუმცა დაზუსტებით შეიძლება ითქვას, რომ ეს სახლი მის მოვლა-პატრონობაზე პასუხისმგებელი პირების გულგრილობის მსხვერპლია.
შენობა წლებია უსახურავოდაა დარჩენილი და ბათუმის არცერთმა მერმა მის გადასარჩენად არაფერი გააკეთა. მის გადასარჩენად არაფერი გაუკეთებია არც კულტურული მემკვიდრეობის სააგენტოს, რომლის მოვალეობაც სწორედ ძეგლის მოვლა-პატრონობა და საჭიროების შემთხვევაში მისი გადარჩენაა”. – წერს გამოცემა “ბათუმელები”.